講起粉紅色，你會聯想到啲咩？ 浪漫、柔和、女性化？除咗顏色帶比人嘅感覺之外，佢亦都被賦予一啲特別嘅意義，好似同性戀同乳癌等。而每年二月嘅最後一個星期三，粉紅色更加係國際反欺凌日嘅代表顏色。
國際反欺凌日 (Pink Skirt Day) 嘅出現，係由於有同學因為穿著粉紅色衫而遭受欺凌，令兩名男學生覺得不憤，繼而一齊著粉紅色衫嚟支持同鼓勵被欺凌嘅同學。於是，國際粉紅衫反欺凌日就由2007年開始喺北美洲一帶國家舉行。不論係公職人員，學生或者係普遍市民，佢地都會著上印有「表現仁慈」(Be Kind)字樣的粉紅色T恤，參加反對欺凌行為嘅活動。
提倡反欺凌民間組織Amanda Todd Legacy Society會長托德(Carol Todd)，佢嘅女兒Amanda都係校內欺凌行為嘅受害者之一，佢15歲𠴱時因為俾同學網絡騷擾，喺2012年10月自殺身亡。
托德話，自從女兒逝世之後，卑詩省已經增加討論點樣應對網絡欺凌問題，並且落實多項預防欺凌行為嘅措施，粉紅衫日已經令省民意識到欺凌行為嘅禍害。
而喺上年，加拿大卑詩省教育廳仲撥款16萬元，向全省超過1.9萬名3至12年級學生提供190節網上學習課程，教導他們如何正面使用網絡、保障網上私隱，以及透過「尊重與安全教育」(Expect Respect and a Safe Education，簡稱ERASE)的網上匿名舉報機制舉報校內欺凌行為，希望透過呢個課程，減少佢地進行欺凌行為或者被欺凌嘅情況。
無論咩原因，欺凌其他人本身就係唔應該既事，係旁邊既人亦唔應該附和或者袖手旁觀，令到情況惡化。
