社創專欄

  • SEnSE

大冒險家 - Richard Branson


你可能只認識維珍集團既澳洲維珍航空,但事實上,英國維珍集團依家一共營運緊60間公司,超過40種業務 (太空旅行、婚禮用品、慈善機構、鐡路…)!英國維珍集團嘅創始人理查德·布蘭森(Richard Branson)之所以能夠成為商業奇才,絕對並非因為佢有父幹或者佢天資聰敏。相反,布蘭森天生有讀寫障礙,15歲已經選擇輟學創業,而呢一個決定就促成咗佢今時今日嘅成就! 「每次遇到困難嘅時候,你會發現自己會係過程中學習到可貴嘅經驗」 喺佢嘅人生中,會故意地跳出舒適圈,去挑戰新事業及面對各

種問題,並借此磨練自己嘅信念與專業能力。倒如創立維珍可樂,希望打破由可口可樂同百事壟斷既市場。可惜市場已經飽和,而令維珍可樂未有太大嘅成功;但佢並冇氣餒,吸取教訓之後嘗試發展一啲未有太大競爭嘅行業,令到現時維珍集團嘅業務已經包含電信,婚妙等嘅範疇。 係布蘭森「以小博大」嘅氣魄推動下,維珍品牌反其道而行,不斷向大品牌發起挑戰,最終亦建構維珍品牌 = 品質、價值、創新、娛樂、挑戰的代名詞。而為咗實現自己對不同行業既想像,佢不斷提出新既提議、新既方案,希望帶比消費者有不一樣的體驗。

維珍航空曾經登出一個廣告:「布蘭森你知道嗎,有更好的方法越過大西洋」原因係布蘭森係致力推出可以越過大西洋熱汽球既過程中,曾有六次因為試搭熱汽球差啲失去生命,要直昇機係海中心救番佢,成為維珍航空廣告既主角。 布蘭森係商界成功人士,但同時亦玩世不恭,令佢更似個搖滾明星。維珍品牌形象當中嘅趣味感,同布蘭森嘅性格如出一轍;同時意味著一種生活態度:叛逆、開放、崇尚自由等布蘭森為維珍集團定下咗一個只屬於維珍嘅獨特品牌形象,令到維珍能夠受普羅大眾嘅喜愛。

「如果你願意,可以這樣度過一生——喝維珍可樂長大,到維珍唱片買維珍電台上放過的音樂,去維珍院線看電影,與女朋友坐維珍航空去度假,享受維珍假日的服務,然後由維珍新娘安排婚禮,幸福地消費大量維珍避孕套,到最後帶着維珍保險進墳墓。」

  • Facebook Social Icon
  • Instagram

主辦:

計劃資助: