大家知唔知全球總共有幾多種性別呢？除咗男性，女性同埋跨性別者，大家仲知道幾多個呢？
起2015年嘅時候，Facebook就已經喺性別欄裡面「中性」呢一項中加入咗56種性別認同選項俾使用者選擇，令到跨性別族群唔再受限於原本少數嘅選項。而依56個性別類別主要就有 順性 (cisgender)/ 變體/ 跨性別/ 雙性/ 無… 等等。
自視為跨性別人士嘅Facebook軟體工程師齊卜庫拉（Ari Chivukula）有份負責今次嘅改動。齊卜庫拉希望透過呢項改變，「打開對話的大門」，令男、女以外嘅性小眾更加容易被社會接受。新增嘅56個選項好多都未聽過，例如兩魂人，指體內同時含有男人同女人靈魂嘅人；流性人，例如一位女性周圍都是其它女性時，她的女性特徵和認同往往會更強烈。而除咗新增嘅56種選項之外，齊卜庫拉亦特意加入「其他」一項，俾用家更準確咁表達自己嘅性別，儘量滿足唔同群體嘅需要。
史丹佛大學性別認同學者佛加提（Alison C.K. Fogarty）認為使用者有更多性別選項，甚至可以自由形容自己嘅性別，為人數漸增嘅跨性別族群獲得社會肯定踏出重要嘅一步。尤其系呢項改變由全球最大社交網站公司進行，相信對推動社會關注唔同性別人士嘅權利有令人鼓舞成效。
希望Facebook嘅做法可以儘快喺更多網站普及，令性別平等唔再係一個願景，而係一個社會趨勢。
資料來源： 台灣英文新聞《臉書新增第59個性別選項：自己填》
