一個膠樽要用450年去分解，而一個膠袋分解嘅時間更加係要用上1000年，長遠嚟講會對環境造成好大影響。若果任由呢啲唔透氣、難以分解嘅塑膠飄入水渠，會容易造成阻塞，引致積水或者係水災，影響環境衛生；塑膠流入海洋、河川，更加會污染水中生態；以焚燒方式處理塑膠，又會釋出致癌化學物質，損害人體健康同污染空氣。
雖然唔少國家地區都推行減塑政策，例如禁膠袋、塑膠吸管、收膠袋徵費，但超市包裝、保鮮紙等，唔用塑膠唔得，咁依啲膠又點算好?
澳洲少女年僅17歲既Arora就提出用蝦殼去製作塑膠！佢將蝦殼中的一個元素同蜘蛛網🕸中取得嘅蛋白質混合製作成塑膠，其分解速率係傳統塑膠嘅150萬倍，平均只要33日就可以自行分解！佢嘅發明令我地可以繼續使用塑膠去作為貨物或者係食品嘅包裝，同時大大減低對生態環境嘅傷害，可以話係一舉兩得。
Arora表示，因為蝦殼塑膠係透明，而且有彈性、有支撐力、唔會溶解，所以可以被用作各式各樣包裝。「這也可以被拿來當作農作物覆蓋物，因其可以釋放氮（nitrogen）進入土壤內，這有助於植物的成長、健康和免疫力」另外，讀緊醫學既Arora正為產品作測試，探討蝦殼塑膠係未來可否作為醫學包裝用途
除咗Arora既發明，英國超市Waitrose亦將與蘇格蘭科技公司CuanTec合作，回收海產加工業丟棄的小螯蝦殼，用來製作環保保鮮膜，預計今年就可以推行，而現時Arora已經準備好生產蝦殼塑膠投入商業用途，相信喺不舊嘅將來，大家都可以使用到佢嘅發明，好期待吖！
