社創專欄

  • SEnSE

當媽媽走進實驗室=…?

大家BB嗰陣係飲母乳定係奶粉嘅呢?為咗仔女健康,依家好多媽媽都會選擇喂哺母乳,希望增強BB嘅免疫力。當然除咗BB嘅健康,喂哺母乳對媽媽們都有好多益處,例如減低患上乳癌和卵巢癌風險。


但好多媽媽因爲母乳不足或者其他健康問題,無法餵養母乳;而Biomilq嘅創辦人之一Leila,係兩個早產BB嘅媽媽,眼見越來越多媽媽面對呢個問題,佢開始研究人造母乳。
















Biomilq嘅兩位創辦人分別係細胞生物學家同埋食品科學家,起今年2月成功研究出一個重要技術:利用微生物培養牛奶中被分離出來嘅乳蛋白。雖然乳蛋白同埋乳糖呢兩種生產母乳嘅關鍵成分已經成功研發,但係由於人類母乳係經過長期生物演化與進化至依家,所以當中嘅複雜度都係上萬年、億年累積。











亦都因爲咁,Biomilq嘅最終目標,係盡可能複製母乳,令到人造母乳嘅營養同真正嘅母乳一樣,嬰兒透過飲人造母乳得到足夠嘅營養。創辦人更希望人造母乳可以普及化,解決新手媽媽們母乳不足同埋嬰兒營養不足嘅問題。


明明仲有奶粉,點解仲要研發人造母乳呢?

雖然目前研究無法令人造母乳完全具備母乳特質,例如來自母親嘅抗體,母親同嬰兒係過程中嘅互動、保護、關愛等環境因素,但係人造母乳嘅營養優點遠遠高於嬰兒配方食品及配方奶!以奶粉為例,嬰兒其實難以消化,不利佢哋腸道健康,所以人造母乳有佢嘅必要性,亦為媽媽們提供一個更好嘅選擇。




除咗Biomilq,新加坡嘅Turtle Tree Labs同埋美國嘅Helaina亦都已經開始研究人造母乳,相信起將來會有更多公司進行相關嘅研究。與此同時,要得到嬰兒食品監管嘅批准,將會係人造母乳嘅另一個挑戰。大家又點睇人造母乳起未來嘅發展呢?


資料來源:foodNEXT<人造母乳即將問世!美國新創「Biomilq」已培養關鍵成分、減少媽媽餵養負擔>

  • Facebook Social Icon
  • Instagram

主辦:

計劃資助: