社創專欄

  • SEnSE

由柬埔寨游到全世界—幸運小鐵魚





據統計,全球有20億人飽受缺鐵嘅影響,而起柬埔寨,每4️個人就有1️個人有缺鐵性貧窮嘅問題,導致嗜睡,暈眩,有時情況甚至嚴重到無法正常工作。為咗解決哩個問題,嚟自加拿大嘅查爾斯就設計咗一隻可以用5年,提供每人每日所需嘅鐵質嘅「幸運小鐵魚」。














加鐡質落食物!

一開始,佢建議用鐵鍋煮食 ,令食物裏面鐵質嘅含量提高,但係咁樣個鍋好易生鏽,而且貴,所以唔可行。後嚟查爾斯突發奇想,可以用小鐵塊代替,為咗令當地人接受,經歷過四邊形、蓮花形狀嘅失敗,佢將鐵塊整成喺柬埔寨象徵吉祥、健康、幸福嘅魚「Try Kantrop 」。推介俾當地人試用之後,果然深受當地人歡迎,並起貴湖大學(查爾斯當時所讀大學)聲名大噪,於是查爾斯申請加拿大政府同埋學校嘅資金,開始營運佢嘅社企—「幸運小鐵魚」(Lucky Iron Fish Enterprise) !








要點樣「食用」呢條鐵魚?

首先,用肥皂、水和毛巾將小鐵魚清洗乾淨。然後於一公升的水或湯汁中放入小鐵魚,並滴入 2 至 3 滴檸檬汁、咖哩、番茄呢啲含有酸性物質嘅食材,令小鐵魚釋放鐵質。湯汁煲咗10分鐘之後將小鐵魚攞出嚟。最後跟隨自己嘅喜好起湯裏面添加食材,咁就得㗎啦!當然鐵魚都有佢嘅壽命嘅。每條價值1.5美元呢幸運鐵魚都有5年壽命,當佢上面嘅微笑冇咗,變得「唔開心」,就係時候買過條開心嘅魚,延續我哋嘅幸福!








打入印度市場!


「游」到全世界

目前全世界有66個國家可以買到幸運小鐵魚,考慮到貧窮地區嘅人民未必負擔到呢個價錢,「幸運小鐵魚」透過「買一捐一」模式,只要已發展國家顧客買一隻小鐵魚,位於開發中國家的人民就可以免費獲得一隻,目前全球已有78萬人因此呢個模式促進了健康,免於缺鐵之苦。



無論係小鐵魚,定係小鐵葉,都對全球有缺鐵問題嘅人帶來便利同埋營養,希望「幸運小鐵魚」可以游到更多地方,將幸運帶俾每一位有需要嘅人!


片段來源:@luckyironfish

資料來源:「故事StoryStudio」《一條小魚就能拯救百萬人的貧血?從柬埔寨游向全球的「幸運小鐵魚」》

「社會流」《2018亞太社企高峰會》

  • Facebook Social Icon
  • Instagram

主辦:

計劃資助: