• SEnSE

開Party慶死亡 – 非洲抬棺舞

你睇過近期爆紅嘅「黑人抬棺舞」未呢?或者你會以為佢只係一條搞笑片,莊重嚴肅既葬禮又點會容許抬棺師帶住先人既遺體跳舞?但原來依個係源自非洲既傳統喪葬文化,大家會跟隨住音樂節奏跳舞,撒除咗喪禮傷心嘅氣氛。


非洲傳統喪葬文化 x 創新突破

加納位於非洲西部,當地人非常重視葬禮,而越隆重的葬禮就更熱鬧喜慶,後人以宴會嘅方式去寄託對逝者嘅哀思,一般會請舞者,DJ或者係主持嚟舉辦葬禮。原本當地嘅葬禮係唔會有抬棺跳舞嘅環節,其源起係2006年有當地酋長嘅家屬要求加入「抬住棺材跳舞」既環節,依個要求史無前人,而且風險極大,所以無行家肯接。


而當時年僅19歲既Benjamin就睇到一個商機,大膽咁接咗呢單生意!結果唔單止觀禮嘅家屬非常滿意,而且仲令佢嘅殯儀公司變成當地龍頭公司,直言係有行內頂級水準,佢哋任何嘅服務細節都可以由客戶訂製。依家係影片入面伴左右嘅兄弟都已升級至導師級別,可以自行收新學徒喇!


Benjamin:「funeral頭三個字係fun,我們為大家帶來fun,比大家有一個完美既funeral」


辣椒、獅子、飛機造型棺材

除咗不一樣的葬禮,加納仲有不一樣既棺木!係加納,棺材可以有唔同嘅造型,後人可以按照死者生前喜好設計,寓意死者可以同所愛之物長相廝守。例如辣椒造型配上喜愛嗆辣的死者;獅子造型象徵死者既雄心壯志;賓士車造型凸顯亡者身價;飛機造型,除咗可以代表一路好走之外,亦可能係為咗一圓死者生前想搭飛機嘅願望。


每個地方都有不同既殯葬文化,代表住當地人對人生的歸宿、生命的價值、對永生的追求、對現存社會的反映等等既想起。而對殯葬既觀念(例如對死亡既稱謂)、殯葬既操作(如喪禮)同殯葬實物(如紙錢、棺、墓地)中就正正係實踐佢地既觀念,成為一個個獨特既殯葬文化。