• SEnSE

職人淬咖啡館

「如同咖啡般,我們也可以在這群熟齡族群,『淬』取出風味飽滿的經驗。這也是為何我們將店名命名為『職人淬』的原因。」


喺台灣大坪林捷運商圈嘅一條巷仔入面,有一間唔太平凡嘅咖啡館:鋪頭外面貼住員工嘅相片同履歷,全部都係上咗年紀嘅退休人士,以前曾經係公司高層,而依家係一間咖啡館嘅店員,職人淬咖啡館嘅創辦人呂協翰,喺機緣之下令佢開始深入了解銀髮議題,2018年成立社會企業—古稀創意,希望透過創意嘅方式,顛覆以往大眾對老人嘅睇法,設計出適合銀髮族嘅工作,解決社會高齡化嘅問題。


呂協翰知道社會上有好多經驗豐富但既長者,又有對前途迷茫嘅年輕人,假如佢地可以互相交流,雙方都會有得著,但喺對話前,佢地需要一個產品嚟破冰,而最後佢就選擇咗茶同咖啡作為連結職人同顧客嘅橋樑,係依度,咖啡師就係「職人」,退休職人淬取自己人生經歷精華做分享,就如同茶與咖啡都需要用高溫淬取一樣,「職人淬咖啡館」也就此誕生。


職人淬所聘請的是四十五歲以上退休人士,佢地擁有年輕人渴望得到嘅職場經驗,藉由傾計、諮詢嘅過程,甚至扮演顧問嘅角色,將自身嘅人生經驗傳輸俾一般社會大眾


呂協翰:「我們跟一般的咖啡廳沒什麼不一樣,卻又不太一樣。」不一樣嘅係顧客只需要點杯咖啡,就可以開始與職人傾計,只需要一杯咖啡就能夠得到一個師傅。每次有一對一五十分鐘嘅諮詢時間,只需要五百蚊台幣(約130蚊港元),比起一般諮詢費用平好多!


目前,古稀創意每個月都會喺職人淬咖啡館推出許多同銀髮議題相關嘅講座,並且利用咖啡廳比職人練習做講師,由小規模嘅課程開班授課,等到培訓完成,再安排到外面做真正嘅講師,例如到企業或者係學校分享,成為真人圖書館。

  • Facebook Social Icon
  • Instagram

主辦:

計劃資助: