• SEnSE

滾動的書 Rolling books

書店係以前愛書之人打書釘嘅地方,但因為科技進步,依家唔少人尤其是年輕一代,除咗學業上嘅書藉,都少有接觸其他類型嘅讀物。


Rolling books 「滾動的書」係香港既社會企業,置力推廣閱讀體驗,藉著一系列嘅閱讀活動同工作坊,鼓勵學生以及社區人士透過閱讀增長知識,增強抗逆力應對變幻無常嘅社會狀況。


曾經開設「阿麥書室」嘅創辦人莊國棟(James)為咗實踐「make reading accessible to all」呢個理念,憑住四個轆加一架流動貼地嘅概念書車,將閱讀「駛入」小學校園同社區:例如透過繪本同小朋友分享海洋廢物、糧食公義等各方面議題,將閱讀樂趣化成真摰體驗,令小朋友自發投入閱讀世界。


James 亦都顧慮到非健視兒童,佢認為視障人士都有閱讀嘅權利。於是,佢就同香港口述影像協會首席導師梁凱程(Dawning)合作,透過製作口述影像、點字、觸感、紙雕以及pop up book元素,令所有小朋友都可以體驗同享受繪本,視障兒童仲可以有更多層次的閱讀體驗。


Rolling books 喺推廣閱讀上不遺餘力,2019年九月獲取80萬蚊項目資金製作口述影像嘅繪本,但James和Dawning同樣只將此當作一個開始,因為喺向視障人士推廣閱讀體驗嘅路上,仍然有很多事情值得佢哋去做,而將來最理想嘅計劃,係能夠將「Animal Garden」嘅故事系列化,繼續延伸呢個概念


「並非說拿完funding出本書,之後就甚麼都不做,我們希望能夠總結這次經驗,研究如何將它延續下去,也希望將來在香港出版的繪本,會留意到非只健視人士才有閱讀的需要。」