社創專欄

  • SEnSE

食得既咖啡杯 - Twiice餅乾咖啡杯


當我地係「陸地」熱烈地討論點走塑既時候,大家又有冇諗過「天空」點樣為環保出一分力呢?根據報導,一次200人既短途機大概會耗費400個膠杯,而香港每小時最多有68班機降落,即係每小時會有27000個膠杯用完即棄!所以新西蘭航空就走在最前線,提出「不再製造咖啡杯垃圾!」既目標,我地一齊嚟睇下餅乾咖啡杯啦!

傳統嘅咖啡杯係由紙同塑膠組合而成,咖啡杯因而更加耐熱防漏,但同時亦令咖啡杯難以回收。即使大型連鎖咖啡店標榜佢地嘅咖啡杯可回收,但依然有99.75%嘅咖啡杯被棄置。 新西蘭航空公司每年使用超過800萬個咖啡杯,對自然環境造成嚴重嘅影響。有見及此,新西蘭航空為咗減少生產固體垃圾,就改為使用新西蘭本地公司Twiice生產嘅可食用咖啡杯。 可食用咖啡杯用雲呢拿味餅乾杯取代傳統咖啡杯,飲咖啡嘅同時保護環境,但亦可以做到舊式咖啡杯嘅功效——耐熱防漏。

佢地近期更進一步推動環保,推出由栗米及紙造嘅咖啡杯,使用後可以當作肥料為植物提供營養,回歸自然。 除了膠杯,飛機上仲有數不盡既塑膠廢物,包裝 (耳機、眼罩、毛毯...)、膠袋、餐具、禮包等等,因為衛生準則,好多時冇用過打開咗睇下就要丟,真係好浪費。作為世界公民我地係生活、去旅行既時候又可以點環保啲呢?你又有甚麼點子去保護生態呢? 數據來源: 香港01

  • Facebook Social Icon
  • Instagram

主辦:

計劃資助: