• SEnSE

我識大戲,你識唔識?—吾識大戲

有人話過,「粵劇成為世遺」係實至名歸,因為粵劇確實係「被世界遺忘」,尤其係被我們自己遺忘!


由粵劇新秀黎耀威、梁煒康同從事粵劇行政多年嘅劉芷恩創立既「吾識大戲」,希望由佢地依班識大戲既人,向社會上「唔識大戲」既人宣傳粵劇,為粵劇「搞搞新意思」,藉著年青印象,嘗試粵劇唔同既可能性,繼往開來,發展粵劇。


傳統中求變

為咗吸引更多唔同年齡層的觀眾,創辦人認為創新係必須的,而粵劇創新必須建基傳統,而阿威喺求變嘅路上就選擇係劇本到做變化,創作出與時代銜接嘅故事,迎合現代人嘅口味,刺激佢哋思考。


係2015年,佢就將莎士比亞著作《哈姆雷特》改編成粵劇《王子復仇記》登上舞台,將故事融入中國歷史背景,以此表達西方的大悲劇。


阿威指出,中西方作品看似南轅北轍,但其實西方不少作品講述權力、家族情仇等主題,非常適用於粵劇,「其實最根本的,就是講述人性」。佢認為歸根究柢,粵劇是講故事,只要將故事講得好,自然能吸引觀眾,加上粵劇本身有教化作用,只要重新包裝,同樣能帶出粵劇的精髓。


要令年輕人接受粵劇,並認同係佢哋自身文化嘅一部分,就先要令佢哋清楚了解粵劇為何物!依家演藝學院會定期到全港各中小學進行推廣活動,培養學生對粵劇嘅興趣,培育下一代粵劇人才!


資料來源:明報<新血加新意 粵劇唔老套>