Booklet Cover.jpeg
社創日程表.png

創新園 原型項目 2022 - 互動工作坊

2022年6月11日及18日

我要做社創, 社創有活動

對實踐社創有興趣嘅你哋,千祈唔好錯過創新園即將舉辦嘅互動工作坊喇!今次活動十分豐富,分別準備咗4個唔同範疇嘅活動畀大家參加,畀咁多位了解更多社企嘅運作!


活動1 : 「集合吧!社創新鮮人!」

相信大家實行社創計劃時都需要夥伴互相扶持,而參加者可以喺呢個活動入面,認識到唔同嘅未來社創家。喺探索各種議題嘅同時,搵到合拍嘅夥伴!


活動2 : 「社企工作坊 + 日嘗日常」

大家可以體驗各式各樣嘅社企工作坊,喺呢個過程中加深對相關議題嘅了解。參加者亦都可以喺日常生活中完成「日嘗 • 日常」小任務,觀察同體驗受眾嘅需要,相信感受會更深刻!


活動3 : 「社企有偈傾 」

透過真人圖書館方式同多個社企創辦人同持分者交流心得,了解服務唔同群體嘅經驗,亦可以知道更多社企運作同受眾嘅真實需要,令自己構思社企想法時更加得心應手!


活動4 : 「意念醞釀 」

參加者可以喺呢個活動入面,透過設計思維逐步構思屬於自己嘅社創點子,實現心中嘅社創夢!


如果你對社創有興趣,有意了解更多資訊,就即刻報名喇!


只要喺6月4號或之前報名互動工作坊,即可以優先免費參加!記住名額有限,先到先得‼️


重要截止報名日期

互動工作坊截止:

2022年6月日8(三)17:00(名額有限,先到先得)

社創原型項目資助申請截止:

2022年6月27日(一)17:00


互動工作坊及原型項目資助申請報名連結