計劃資助:

社創專欄

經濟、衛生、環保 - Freedom Cup

#社企小故事 #FreedomCup #月經杯 #女性衛生用品 #環保


「更輕、更薄、吸收力更強」相信大家都估到係咩產品,係香港自由開放既社會,無論男性女性都會對月經有一定的知識;但係第三世界,女性對經期無相關認識,更無錢去買衛生用品,只可以就地取材,樹葉、襪、草...所以新加坡三姊妹決定創辦Freedom Cup去幫亞洲女性,希望用環保、經濟既月經杯去「解放亞洲女孩」! Freedom Cup 專注於生產醫療用矽膠月經杯,更承諾每售出一個月經杯,就會捐出一個予第三世界國家的女孩,令佢地有尊嚴地面對她們的經期! 月經杯適合「三無」偏遠地區(如無電、無水、無洗手間)的女性使用,每次使用可以長達12小時,清潔後更可以重用多達15年,令負擔唔到衛生用品費用嘅婦女可以保護自己。 除咗出售月經杯,Freedom Cup團隊亦會定期到烏干達、肯雅、尼泊爾等第三世界國家,進行衛生及性教育講座,認識自身的生理知識。 Vanessa Paranjothy(創辦人): 「月經帶嚟多方面嘅影響同問題,妨礙女性學習同工作。又會製造大量垃圾及污染。而Freedom Cup正正為婦女帶嚟革新嘅改變。」 以平均每個月經杯可以使用15年計,每多一位女性改用Freedom Cup,就可以減少浪費約5000塊即棄衛生巾,既化算又環保! (數據補充:每個女性一生大概消耗15000塊衛生巾,而全球每年平均有14280億塊被丟棄,對地球造成極大負擔) 近年嚟有不少新興環保經期衛生產品出現,希望替代衛生巾,例如月經杯、防經期內褲、布料衛生巾等等,希望減低地球負擔,雖然對於絕大部分既香港女生係比較陌生,但為咗地球你又會唔會去了解下? / 數據來源:中大綠色報

體驗學習 啟發創意 關懷社會 施受轉化