• SEnSE

知識型義工

「知識型義工」即係運用自己知道嘅營商知識去幫助人,同一般一次性/短期義工(例如賣旗者)唔一樣,知識型義工利用知識持續去幫助其他人。知識型義工主要係想追求社會理想嘅年青人,以及已退休嘅中產人士。好多人都想以社企形式幫助其他人,但往往缺乏經營和管理的知識導致發展未如理想;而知識型義工正正就可以係創業路上幫到大家,例如收入概念、設計銷售策略等等,令到社企可以持久營運。


提供「知識型義工」嘅團體例如社聯「社會天使」、「社會創投基金」會員、彼得.德魯克學院「希望行動」、「伙伴倡自強」師導計劃以及豐盛嘅義工等,一齊協助唔同嘅社企。豐盛曾以電郵成功訪問七成義工,發現佢地主流係男性(64%)、年齡介乎31至45歲(50%)、高學歷(97%為大專或以上程度)及高薪(39%月入達五萬以上)。豐盛同時以電郵及電話訪問咗三百多位18歲以上嘅本港居民,發現76%受訪者未聽過「知識型義工」呢個名詞,因此豐盛建議政府加強公眾教育,吸引更多具備專業知識嘅大專生同退休人士加入有關行列。


而「豐盛社企學會」就係由一班對社企關懷文化有相同理念嘅知識型義工組成,出錢又出力,利用知識去協助社企營運。對於知識型義工而言,係一個好好的學習機會,可以接觸唔同介別嘅專業人士,以知識服務社會。做義工當中都會帶嚟喜樂同助人嘅滿足感,但更大嘅得著係源自於這群義工來嚟自唔同界別及專長,有老闆、有公司高層、有學者,亦有打工仔、小職員,大家無私分享經驗、社會網絡並分擔工作,你都可以利用自己既知識,成為知識型義工,一齊幫助社企發展!

  • Facebook Social Icon
  • Instagram

主辦:

計劃資助: