社創專欄

生果媽媽 - 時令生果送上門

#社企小故事 #生果媽媽 #速遞 #網購 #社會企業

水果對我哋嘅身體有益係眾所皆知嘅事,每日食生果可以預防癌症同埋減緩大腦衰老等等。而且現代人會當生果係正餐或者係零食,仲會將時令水果包裝起嚟,喺喜慶節日送俾親朋戚友當作賀禮。 生果媽媽係一間網購蔬果社企,至今創辦了一年多,員工都以婦女為主。除咗提倡為都市人搜羅高質時令生果,務求令每一位顧客可以好方便咁收到高質新鲜生果速遞,享受美味健康嘅生活之外,創辦人Maggie都想為長期被社會忽略嘅家庭照顧者提供工作機會,減輕佢地生活同經濟上嘅壓力,協助一群在家婦女,建立自信、自主、自立、自強、改善生活。☺️ 但開店之後,Maggie發現香港人對果籃嘅需求非常不穩定,一年內較有節日性的月份先會有較多嘅訂單。於是,Maggie一邊學,一邊改善,摸索其他可以發展嘅生意。現時生果媽媽唔再只做果籃,仲會代客人籌辦生果party、去office開生果班同埋各式各樣嘅禮盒,拓展出一條「生果新出路」。 作為一間社企,生果媽媽了解到好多基層家庭未必每日都可以一齊食飯,於是聯同仁人學社基金同街坊滙,開展「菠蘿雞黐家大行動」,只要顧客購買生果禮籃一個,佢哋就會送一份生果及一隻鮮雞俾基層家庭,希望大家都可以開開心心共聚共享美味大餐。生果媽媽仲承諾每年將唔少於51%可分發利潤,再次投入返本身業務以達致佢地嘅社會目的,履行社會企業嘅責任


https://www.fruitsmama.com/


體驗學習 啟發創意 關懷社會 施受轉化

計劃資助: