• SEnSE

樂在棋中 - ABCDEFG

營運一間社企並唔係易事,當中需要唔同方面嘅資源,例如人力同物力嘅磨合。而畢業於理大社工系嘅黃頌行(Thomas)透過同兩位女兒嘅互動,令佢靈機一觸創辦社會企業「樂在棋中」。而Thomas更加使用咗ABCDEFG社企策略嚟推動社企嘅運作。


A: Attitude -

Thomas本身社工嘅工作令佢深深體會到家長嘅愛對孩子嘅重要性,於是希望將家庭關愛帶入社群。所以,佢決心投身創作桌上遊戲,藉此拉近父母同孩子之間嘅距離,令父母從遊戲中學識同孩子融洽相處,創造幸福嘅童年。


B: Bravery -

需要相信自己嘅能力,放膽去嘗試。2012年,Thomas放棄安穩生活,兼職創業家,成立社會企業「樂在棋中」。佢本身冇咩經驗,但憑藉屋企人同外界嘅支持,最後2015年決定全職走上社企嘅道路。


C: Creativity -

對身邊事物保持好奇,令自己可以更有靈感創作。創業至今,Thomas已經設計了五十多款桌上遊戲,例如佢以張保仔、港鐵、新渡輪同電車等為題嘅桌上遊戲,靈感都係嚟自佢嘅日常生活。


D: Determination -

在經營「樂在棋中」時,Thomas曾遇上無數挫折。例如拎唔到政府撥款資助;顧客對產品有嘅生產方式有誤解;亦有試過被其他機構盜用作品。但佢依然堅信自己嘅信念,決心要繼續經營。


E: Enthusiasm -

Thomas嘅熱誠令佢得以捱過每個難關。他不斷參加遊戲設計比賽,希望產品獲得垂青。即使未被重視,但仍然主動同唔同人交流,改進自己,業務從此走上軌道。


F: Flexibility -

小企業需要靈活變通以求生存,Thomas聽從其他人嘅意見,改變營運方式,由自行推銷改為同NGO合作,打入學校市場。而生產則改由夥伴負責,業務主打設計,進行適當嘅分工,締造靈活高效嘅生產團隊。


G: Growth -

Thomas為令業務持續增長,便加強市場推廣。他自覺商業知識不足,於是報讀課程去學習經營方法,希望將桌上遊戲推廣到社群,令業務長期增長。


樂在棋中已經成立了第八年,透過依7個策略樂在棋中」不但贏得不少獎項,也獲得夥伴企業的信任。他綜合經驗,告訴有志經營社企的創業者:「社工可跟隨理想去做,只要做多一點,就會有更好效果。純商業的經營,目標簡單,經營時不用顧慮太多。反之經營社企,卻帶著社會期望和平衡盈虧兩條底線,所以營運要求更高。惟經營社企不可期望會賺大錢,經營者需有心理準備。」


刊於:商識滿天下《營辦社企的ABCDEFG》


  • Facebook Social Icon
  • Instagram

主辦:

計劃資助: