• SEnSE

從戰難中誕生的馬戲團 - Phare

大家有無諗過馬戲團都可以係一間社會企業?今日就同大家介紹係柬埔寨既「法爾馬戲團」(Phare The Cambodian Circus) 啦!


法爾馬戲團嘅出現同1975至1979年赤柬 (即紅色高棉)殘酷統治、超過200萬人被屠殺嘅歷史有關。當時國內戰爭持續10年,大批柬埔寨難民長期入住猶如監獄嘅難民營。1986年,一位法國藝術女老師就去到泰柬邊境嘅難民營做義工,教小朋友畫畫,希望用藝術幫助恢復剛經歷血腥暴政的社會;到1994年,更成立了法爾藝術學院(PPSA),免費比小朋友學習藝術。


經過20年,PPSA培育了數不盡既藝術家,除咗教育亦希望可以比畢業生一個演出平台。所以,係2013年成功創立立「法爾馬戲團」,更由PPSA既畢業生林國民負責日常運行。「法爾」(Phare) 喺高棉語意指燈塔,即係帶嚟光明、指引嘅意思。馬戲團成立主要有兩大初心,一係資助PPSA營運,加入表演藝術訓練課程,包括音樂、舞台劇同馬戲團;二係希望提供就業機會比畢業生,一個能夠令表現自己嘅國際舞台。


依個馬戲團無動物表演,亦無華麗舞台或者特別服裝;只係單憑藝術青年表演者出色既特技同肢體演出,配合幽默動容嘅本地故事劇目,敘述柬埔寨的歷史、文化及社會,每晚吸引大量外國遊客買飛入場。其中有劇目就係以創辦人嘅故事為藍本,重演戰爭對小朋友帶嚟的夢魘,比遊客以另一個角度認識柬埔寨沉重嘅過去。而盈利75%就用以支持藝術學校嘅營運,比1,200名貧困兒童每日接受藝術教育。


直到今日,「法爾馬戲團」已被譽為「東南亞太陽馬戲團」,另外亦同台灣既「飛洋國際服務團」展開合作,開拓華語市場。大家有機會去柬埔寨的時候,亦不妨去睇法爾馬戲團既表演,認識柬埔寨的故事。

  • Facebook Social Icon
  • Instagram

主辦:

計劃資助: