近嚟大熱韓劇「愛的迫降」入面，男主角利正赫所身處嘅北韓經常都會因為供電不足嘅問題，而導致大停電。就算係喺首都平壤，一日入面都會停電3至5個鐘，北韓嘅人民都已經習以為常。
喺現實入面，印度（特別係生活喺郊區嘅人）都同北韓一樣，成日都要面對停電嘅問題，高昂嘅電費未必人人都能夠負擔得起，即使可以，維修保養電力系統嘅昂貴費用都會令印度人卻步，寧願唔用電，都唔想花費一大筆金錢喺「奢侈品」身上。
Selco Foundation會依照家庭嘅需要，負擔能力同埋建築物承託能力等等嘅因素，而去度身訂造一啲電力計劃俾佢哋。另外，亦會為家庭安裝太陽能發電板，將電力儲存，以防供電不穩導致停電；提供家庭電器，例如電熱水爐、攪拌器等，提升生活素質。
除咗家庭上既需要，Selco Foundation 更加顧及人民既生計：提供印度薄餅機、縫紉機、影印機以及擠奶機等，令到工作增添便利，更可以進行大規模嘅生產，增加收入同競爭力。至今Selcon Foundation 已提供電力給予超過1800條村莊、45000嘅人民，不論學生、家庭、甚至不同基礎設施都受惠其中。
你同我都知能源其實得來不易，雖然香港既貧窮戶都未去到無日常照明或煮食用既電力，但「能源貧窮」問題亦開始引起關注(據世界綠色組織估計，2012年香港已有14.4萬能源貧窮戶！)。所以，大家都要控制平時嘅用電量，環保得嚟又可以減輕電費負擔吖嘛！
