社創專欄

  • SEnSE

不一樣的醫院



入到醫院等睇醫生,白色既牆、沒有多餘既裝飾。。。總係覺得死氣沉沉,想快啲離開既地方。而對於生病既幼兒或者兒童,醫院更會令佢地聯想起要打針食藥,令佢地難以喺治療嘅過程入面保持輕鬆。 學術網站 The Conversation 指出,醫院的設計如果可以抹去沉重死板嘅感覺,令建築物同埋景觀可以變得舒適、繽紛、可互動,會有助減輕年幼病人及其家人嘅心理壓力,令佢地唔再怯於求醫。



Monash Children’s Hospital 係一間位於墨爾本嘅醫院,入面設有大型互動遊戲屏幕,病童同埋父母可以喺玩樂嘅同時等候睇症,以減少等待所帶嚟嘅焦慮,又可以帶動人與人之間嘅互動。 空間設計有助扭轉我地對醫療機構「控制」或「監禁」病人嘅觀感,轉而覺得舒適,快樂,而且更相信會得到適當嘅護理。病人同醫護人員會有更好嘅互動,從而改變佢地對醫院既感受同改善心理健康。 而澳洲既皇家兒童醫院仲有貓鼬區、互動遊戲屏幕🖥、雕塑、大型水族箱及兒童活動室,小朋友唔係去醫院,而係一個活動中心,可而同朋友一齊玩,唔會對醫院產生抗拒。 係患者既世界,除咗病理治療之外,精神同情感需求亦好重要; 而對於建築師嚟講,病人既需要同面對既問題更係設計既關鍵!除咗醫院,世界各地既建築師係設計既時候都會考慮使用者感受,擺脫固有既設施形式,加入新元素,為使用者帶嚟新鮮感,令生活變得更快樂。你身邊又有冇另類設計令你有不一樣的感受呢?

  • Facebook Social Icon
  • Instagram

主辦:

計劃資助: